നൂറാം വിക്ഷേപണത്തിലൂടെ ചരിത്രം കുറിച്ച് ഐഎസ്ആര്‍ഒ

നൂറാം വിക്ഷേപണത്തിലൂടെ ചരിത്രം കുറിച്ച് ഐഎസ്ആര്‍ഒ. ചെയര്‍മാനായി വി.നാരായണന്‍ ചുമതലയേറ്റ ശേഷം നടക്കുന്ന ആദ്യ ദൗത്യമായ ഗതിനിര്‍ണയ ഉപഗ്രഹം ‘എന്‍വിഎസ്-02’ന്റെ വിക്ഷേപണം നടന്നു. ശ്രീഹരിക്കോട്ട സതീഷ് ധവാന്‍ സ്‌പേസ് സെന്ററിലെ രണ്ടാം വിക്ഷേപണത്തറയില്‍ നിന്നാണ് ‘ജിഎസ്എല്‍വി-എഫ്15 എന്‍വിഎസ് 02’ മായി ഉയര്‍ന്നപൊങ്ങിയത്. 2023 മേയ് 29-നാണ് ഈ ശ്രേണിയിലെ ആദ്യ ഉപഗ്രഹം എന്‍.വി.എസ്.-01 വിക്ഷേപിച്ചത്. നാവിഗേഷന്‍, സ്ഥാനനിര്‍ണയം എന്നിവയുടെ കൃത്യതയ്ക്കായി വികസിപ്പിച്ച 7 ഉപഗ്രഹങ്ങളുടെ ശ്രേണിയാണ് ഐഎസ്ആര്‍ഒയുടെ നാവിഗേഷന്‍ വിത്ത് ഇന്ത്യന്‍ കോണ്‍സ്റ്റലേഷന്‍. 2,250 കിലോഗ്രാം ഭാരമുള്ളതാണ് ഈ ഉപഗ്രഹം.