കര്‍ണാടകയെ സുരക്ഷിതമാക്കാന്‍ ബിജെപിക്ക് വോട്ട് ചെയ്യണമെന്ന് കേന്ദ്ര ആഭ്യന്തരമന്ത്രി അമിത് ഷാ. ദേശവിരുദ്ധ ശക്തികളെ പ്രോത്സാഹിപ്പിക്കുന്നവരാണ് കോണ്‍ഗ്രസുകാരെന്നും അവര്‍ക്ക് കര്‍ണാടകയെ സംരക്ഷിക്കാനാവില്ലെന്നും അമിത് ഷാ പറഞ്ഞു.
അതേസമയം കേരളത്തെയും തന്റെ പ്രസംഗത്തില്‍ അമിത് ഷാ വിമര്‍ശിച്ചു. കേരളം നിങ്ങളുടെ അടുത്തല്ലേ ഞാന്‍ കൂടുതലൊന്നും പറയുന്നില്ല, കര്‍ണാടകയെ സുരക്ഷിതമാക്കാനാണ് നിങ്ങള്‍ ആഗ്രഹിക്കുന്നതെങ്കില്‍ ബിജെപിക്ക് മാത്രമേ അതിനു സാധിക്കൂ- അദ്ദേഹം കൂട്ടിച്ചേര്‍ത്തു.