മുസ്്‌ലിംകള്‍ക്കായി പ്രത്യേക ഇസ്്‌ലാമിക് ബാങ്ക് തുടങ്ങുമെന്ന് ആന്ധ്രപ്രദേശിലെ പ്രതിപക്ഷത്തെ രണ്ടാംനേതാവ് നര ലോകേഷ്. ടി.ഡി.പി നേതാവ് എന്‍.ടി രാമറാവു വാണ് സംസ്ഥാനത്ത് ന്യൂനപക്ഷകോര്‍പറേഷന്‍ സ്ഥാപിച്ചതെന്നും അത് ഇപ്പോഴത്തെ മുഖ്യമന്ത്രി ജഗ് മോഹന്‍ റെഡ്ഡി ഇല്ലാതാക്കിയെന്നും അധികാരത്തിലെത്തിയാല്‍ തിരിച്ചുകൊണ്ടുവരുമെന്നും നര ലോകേഷ് പറഞ്ഞു. ടി.ഡി.പി നേതാവ് ചന്ദ്രബാബുനായിഡുവിന്റെ പുത്രനായ ലോകേഷ് കഴിഞ്ഞ ഏതാനും ദിവസമായി സംസ്ഥാനതലപദയാത്രയിലാണ്. ഇതിനകം 300 കിലോമീറ്റര്‍ പിന്നിട്ട യാത്ര സംസ്ഥാനസര്‍ക്കാരിന്‍രെ ജനവിരുദ്ധനയങ്ങളില്‍ പ്രതിഷേധിച്ചാണ്. കഴിഞ്ഞ ലോക്‌സഭാ തെരഞ്ഞെടുപ്പില്‍ ജഗ് മോഹന്റെ വൈ.എസ്.ആര്‍ കോണ്‍ഗ്രസിന് 22 സീറ്റും തെലുങ്കുദേശം പാര്‍ട്ടിക്ക് മൂന്നുസീറ്റുമാണ് ലഭിച്ചത്. ഇത്തവണ അതില്‍ മാറ്റം വരുമെന്നാണ് പ്രതീക്ഷ.