ഐഎസ്എല്ലില്‍ ഈസ്റ്റ് ബംഗാളിനെ പരാജയപ്പെടുത്തി ഒഡിഷ എഫ്‌സി. ഒന്നിനെതിരെ രണ്ട് ഗോളുകള്‍ക്ക് ഈസ്റ്റ് ബംഗാളിനെ ഒഡിഷ പരാജയപ്പെടുത്തിയത്. സീസണിലെ ആറാം ജയത്തോടെ ഒഡിഷ എഫ്‌സി പ്ലേ ഓഫ് സാധ്യത നിലനിര്‍ത്തി.കളിയുടെ ആരംഭം മുതല്‍ തന്നെ ഒഡിഷയ്ക്കായിരുന്നു ആധിപത്യം.
ആദ്യ പകുതിയുടെ 23ആം മിനുട്ടില്‍ ജോണതാനാണ് ഒഡീഷക്കായി അകൗന്‍ഡ് തുറന്നത്. പക്ഷേ 64ാം മിനിറ്റില്‍ ആന്റോണിയോ പെരോസെവിച്ച് ഈസ്റ്റ് ബംഗാളിനായി സമനില ഗോള്‍ നേടി. എന്നാല്‍ അല്‍പ്പസമയം കൊണ്ട് ജാവി ഹെര്‍ണാണ്ടസ് ഒഡിഷയെ വീണ്ടും മുന്നിലെത്തിച്ചു. 75ാം മിനിറ്റിലാണ് ജാവി ഹെര്‍ണാണ്ടസിന്റെ വിജയ ഗോള്‍ പിറന്നത്. ഇതോടെ 21 പോയിന്റുമായി ഒഡിഷ ടേബിളില്‍ ആറാം സ്ഥാനത്തെത്തി. ഈസ്റ്റ് ബംഗാള്‍ 10ാം സ്ഥാനത്താണ്.