കൊച്ചി: ഐ.എസ്.എല്‍ സെമി ഫൈനല്‍, ഫൈനല്‍ തീയതികള്‍ പ്രഖ്യാപിച്ചു. മാര്‍ച്ച് 20ന് ഗോവ ഫറ്റോര്‍ഡയിലെ നെഹ്‌റു സ്റ്റേഡിയത്തിലാണ് ഫൈനല്‍. ആദ്യ പാദ സെമി ഫൈനല്‍ മാര്‍ച്ച് 11, 12 തീയതികളില്‍. 15,16 തീയതികളാണ് രണ്ടാം പാദ സെമി. ഐഎസ്എലിലെ ഏറ്റവും വാശിയേറിയ മത്സരങ്ങള്‍ നടക്കുന്ന സീസണാണിത്. 9 ടീമുകള്‍ക്ക് ഇപ്പോഴും സെമിയിലേക്ക് മുന്നേറാന്‍ അവസരമുണ്ട്. 29 പോയിന്റുള്ള ഹൈദരാബാദ് എഫ്‌സിയാണ് നിലവില്‍ ഒന്നാം സ്ഥാനത്ത്. കേരള ബ്ലാസ്റ്റേഴ്‌സ് ആദ്യനാലു സ്ഥാനങ്ങളിലുണ്ട്. ഈ സീസണിലെ സെമി ഫൈനലില്‍ എവേ ഗോള്‍ നിയമം ബാധകമല്ല. രണ്ടു സെമികളിലായി ഏറ്റവും കൂടുതല്‍ ഗോള്‍ നേടുന്ന ടീമുകള്‍ ഫൈനലിലേക്ക് മുന്നേറും. ലീഗ് മത്സരങ്ങള്‍ മാര്‍ച്ച് 7ന് അവസാനിക്കും.
ഐ.എസ്.എല്‍ ഫൈനല്‍ മാര്‍ച്ച് 20ന്
Related Post