ഐഎസ്എല്ലില്‍ ഈസ്റ്റ് ബംഗാള്‍ എഫ് സി -നോര്‍ത്ത് ഈസ്റ്റ് യുണൈറ്റഡ് എഫ് സി മത്സരം സമനിലയില്‍ പിരിഞ്ഞു. ഇരു ടീമുകളും ഓരോ ഗോള്‍ വീതം നേടി. അന്റോണിയോ പെറോസെവിക്, മാര്‍കോ സഹാനക് എന്നിവരാണ് ഗോള്‍ കണ്ടെത്തിയത്.
നാര്‍ത്ത് ഈസ്റ്റ് യുണൈറ്റഡിനായി ആദ്യ പകുതിയുടെ ഇന്‍ജ്വറി ടൈമില്‍ മാര്‍കോ സഹാനക് സ്കോര് ചെയ്തു. രണ്ടാം പകുതിയുടെ ഒമ്പതാം മിനുട്ടില്‍ ഈസ്റ്റ് ബംഗാള്‍ മറുപടി ഗോള്‍ അടിച്ചു. പെനാള്‍ട്ടിയില്‍ നിന്നായിരുന്നു സമനില ഗോള്‍ പിറന്നത്. അന്റോണിയോ പെറോസെവികാണ് സ്കോര് ചെയതത്. പാട്രിക് ഫ്‌ളോട്ട്മാന്റെ ഫൗളില്‍ നിന്ന് ലഭിച്ചതായിരുന്നു ആ പെനാള്‍ട്ടി.
ഇരുടീമുകളുടെയും പ്ലെ ഓഫ് സാധ്യത നേരത്തെ അവസാനിച്ചതാണ്. 20 മത്സരങ്ങളില്‍ നിന്ന് 14 പോയിന്റുമായി പത്താം സ്ഥാനത്താണ് നോര്‍ത്ത് ഈസ്റ്റ്. 19 മത്സരത്തില്‍ നിന്ന് 11 പോയിന്റോടെ ടേബിളില്‍ അവസാനമാണ് ഈസ്റ്റ് ബംഗാള്‍.