ഹൈദരാബാദ്: അവസാന മല്‍സരത്തിലുടെ ആദ്യ ജയം സ്വന്തമാക്കിയ ഡേവിഡ്് വാര്‍ണറുടെ ഡല്‍ഹി ക്യാപിറ്റല്‍സ് വിജയം തുടരാന്‍ ഇന്ന് ലാല്‍ ബഹാദൂര്‍ ശാസ്ത്രി സ്‌റ്റേഡിയത്തില്‍ സണ്‍റൈസേഴ്‌സ് ഹൈദരാബാദിനെ നേരിടും. വൈകീട്ട് 7-30 നാണ് കളി.
വന്‍ താരനിരയുണ്ടായിട്ടും വന്‍ നിരാശയാണ് വാര്‍ണറുടെ സംഘം നല്‍കുന്നത്. തുടര്‍ച്ചയായ അഞ്ച് തോല്‍വികള്‍ക്ക് ശേഷം കൊല്‍ക്കത്തക്കെതിരെ എളുപ്പത്തില്‍ ജയിക്കാമായിരുന്നിട്ടും അവസാന ഓവറില്‍ തട്ടിമുട്ടിയാണ് ജയിച്ചത്. ഇന്ന് ആധികാരിക പ്രകടനം നടത്തി വിജയിക്കുമെന്നാണ് കോച്ച് റിക്കി പോണ്ടിംഗ് വ്യക്തമാക്കിയത്. ബാറ്റിംഗാണ് ടീമിന് പ്രശ്‌നം. വാര്‍ണര്‍ മാത്രമാണ് ആധികാരികമായി ബാറ്റ് ചെയ്യുന്നത്. മധ്യനിര തകരുന്നു.