2022 ഐപിഎല്‍ ഉദ്ഘാടന മത്സരത്തില്‍ നിലവിലെ ചാമ്പ്യന്മാരായ ചെന്നൈ സൂപ്പര്‍ കിംഗ്‌സിന് തോല്‍വി. കൊല്‍ക്കത്ത നൈറ്റ് റൈഡേഴ്‌സാണ് ചെന്നൈയെ പരാജയപ്പെടുത്തിയത്. ആറ് വിക്കറ്റിനാണ് കൊല്‍ക്കത്തയുടെ ജയം.
ആദ്യം ബാറ്റ് ചെയ്ത ചെന്നൈ അഞ്ച് വിക്കറ്റ് നഷ്ടത്തില്‍ 131 റണ്‍സ് മാത്രമാണ് നേടിയത്. എം എസ് ധോണി പുറത്താകാതെ നേടിയ 50 റണ്‍സാണ് ടീമിന്റെ നില മെച്ചപ്പെടുത്തിയത്. റോബിന്‍ ഉത്തപ്പ 28 ഉം രവീന്ദ്ര ജഡേജ പുറത്താകാതെ 26 റണ്‍സും നേടിയിരുന്നു. കൊല്‍ക്കത്തക്കായി ഉമേഷ് യാദവ് രണ്ടും വിക്കറ്റ് നേടി. വരുണ്‍ ചക്രവര്‍ത്തി, ആന്ദ്രെ റസ്സല്‍ എന്നിവര്‍ ഒന്ന് വീതവും നേടി.
മറുപടി ബാറ്റിംങ്ങിനിറങ്ങിയ കൊല്‍ക്കത്ത 18.3 ഓവറില്‍ തന്നെ ലക്ഷ്യം കണ്ടു. അജിങ്ക്യ രഹാനെ 44 റണ്‍സ് നേടി. സാം ബില്ലിംഗ്‌സ് 25 ഉം നിതിഷ് റാണ 21ഉം നേടി. ചെന്നൈയ്ക്കായി ഡ്വെയ്ന്‍ ബ്രാവോ മൂന്ന് വിക്കറ്റും സാന്റ്റ്‌നര്‍ ഒരു വിക്കറ്റും നേടി.