മുംബൈ: ഇന്ത്യന്‍ പ്രീമിയര്‍ ലീഗ് ക്രിക്കറ്റിലിന്ന് തകര്‍പ്പനങ്കം. ഒന്നാം സ്ഥാനക്കാരും രണ്ടാം സ്ഥാനക്കാരും മുഖാമുഖം. 11 മല്‍സരങ്ങള്‍ പൂര്‍ത്തിയാക്കിയ ലക്‌നൗ സൂപ്പര്‍ ജയന്റസിനും ഗുജറാത്ത്് ടൈറ്റന്‍സിനും 16 പോയിന്റ് വീതമുണ്ട്. റണ്‍റേറ്റ് മികവിലാണ് ലക്‌നൗ ഒന്നാമത് നില്‍ക്കുന്നത്.
ഐ.പി.എല്‍ പതിനഞ്ചാം സീസണിലെ കന്നിക്കാരാണ് രണ്ട് പേരും. ഹാര്‍ദിക് പാണ്ഡ്യ നയിക്കുന്ന ഗുജറാത്ത് പതിനൊന്ന് മല്‍സരങ്ങളില്‍ എട്ടിലും വിജയിച്ചു. മൂന്ന് തോല്‍വികള്‍. കെ.എല്‍ രാഹുലിന്റെ ലക്‌നൗവും എട്ടില്‍ ജയിച്ചപ്പോള്‍ മൂന്ന് മല്‍സരങ്ങളല്‍ തോറ്റു. വിജയവും പ്ലേ ഓഫുമാണ് രണ്ട് ടീമുകളുടെയും ലക്ഷ്യം.