മുംബൈ: ഇന്ന് ഐ.പി.എലില്‍ സഞ്ജു സാംസണ്‍ സംഘത്തിന്റെ സീസണ്‍ അരങ്ങേറ്റമാണ്. അദ്ദേഹം നയിക്കുന്ന രാജസ്ഥാന്‍ റോയല്‍സ് സണ്‍റൈസേഴ്‌സ് ഹൈദരാബാദുമായി കളിക്കുന്നു.
സഞ്ജുവിന്റെ സംഘത്തില്‍ ഇത്തവണ കിടിലന്‍ ബാറ്റര്‍മാരുണ്ട്. പോയ സീസണില്‍ ബാംഗ്ലൂര്‍ സംഘത്തില്‍ മിന്നിയ ദേവ്ദത്ത്് പടിക്കല്‍, ഇംഗ്ലീഷ് വിക്കറ്റ് കീപ്പര്‍ ജോസ് ബട്്‌ലര്‍, വിന്‍ഡീസിന്റെ ഷിംറോണ്‍ ഹെത്തിമര്‍ തുടങ്ങിയവര്‍ക്കൊപ്പം ബൗളിംഗില്‍ ട്രെന്‍ഡ് ബോള്‍ട്ട്, പ്രസീത് കൃഷ്ണ ജെയിംസ് നിഷം, യുസവേന്ദ്ര ചാഹല്‍ തുടങ്ങിയവരെല്ലാമുണ്ട്.
കിവി നായകനായ കെയിന്‍ വില്ല്യംസണ്‍ നയിക്കുന്ന ഹൈദരാബാദ് സംഘത്തില്‍ ദക്ഷിണാഫ്രിക്കയുടെ ഐദന്‍ മാര്‍ക്‌റാം, വിന്‍ഡീസിന്റെ നിക്കോളാസ് പുരാന്‍ തുടങ്ങിയവര്‍ ബാറ്റിംഗിലും ഭുവനേശ്വര്‍ കുമാര്‍, ടി.നടരാജന്‍, വാഷിംഗ്ടണ്‍ സുന്ദര്‍ തുടങ്ങിയവര്‍ ബൗളിംഗിലും കരുത്താണ്. മല്‍സരം രാത്രി 7-30 മുതല്‍. സ്റ്റാര്‍ സ്‌പോര്‍ട്‌സില്‍ ലൈവ്.