സിപിഐ പത്തനംതിട്ട മണ്ഡലം സെക്രട്ടറി അബ്ദുള്‍ ഷുക്കൂര്‍ കോണ്‍ഗ്രസിലേക്ക്. എല്‍ഡിഎഫിന്റെ തെരഞ്ഞെടുപ്പ് ചുമതലയുള്ള നേതാവായിരുന്നു അബ്ദുള്‍ ഷുക്കൂര്‍. സിപിഐ നേതൃത്വവുമായി ഇടഞ്ഞതിനെ തുടര്‍ന്നാണ് സിപിഐ ജില്ലാ കൗണ്‍സില്‍ അംഗം കൂടിയായ അബ്ദുള്‍ ഷുക്കൂര്‍ രാജി വെച്ചത്.
പാര്‍ട്ടി വിട്ട അബ്ദുള്‍ ഷുക്കൂര്‍ ഇന്ന് കോണ്‍ഗ്രസ് അംഗത്വം സ്വീകരിക്കും. ജില്ലാ നേതൃത്വം വിഷയത്തില്‍ പ്രതികരിച്ചിട്ടില്ല. ഡിസിസി പ്രസിഡന്റ് സതീഷ് കൊച്ചുപറവമ്പില്‍ അദ്ദേഹത്തെ പാര്‍ട്ടിയിലേക്ക് സ്വീകരിക്കും.
ഇതിനായുള്ള ഒരുക്കങ്ങള്‍ നടക്കുകയാണ്. സിപിഐയുടെ വ്യാപാരി സംഘടനയായ വ്യാപാരി വ്യവസായി ഫെഡറേഷന്റെ ജില്ലാ പ്രസിഡന്റായും 14 വര്‍ഷത്തോളം സിപിഐ പത്തനംതിട്ട ലോക്കല്‍ കമ്മിറ്റി സെക്രട്ടറിയുമായിരുന്നു അബ്ദുള്‍ ഷുക്കൂര്‍.