സൗദി പൊതുവിനോദ അതോറിറ്റിക്ക് കീഴിൽ സംഘടിപ്പിച്ച അന്താരാഷ്ട്ര ഖുർആൻ പാരായണ, ബാങ്ക് വിളി മത്സര വിജയികളെ പ്രഖ്യാപിച്ചു. ഖുർആൻ പാരായണ മത്സരത്തിൽ ഒന്നാം സ്ഥാനം ഇറാൻ പൗരനായ യൂനുസ് ശഹ്മറാദിക്കും ബാങ്ക് വിളിയിൽ സൗദി പൗരനായ മുഹമ്മദ് ആലു ശരീഫിനുമാണ് ലഭിച്ചത്.
യൂനുസ് ശഹ്മറാദിക്ക് 30 ലക്ഷം റിയാലും മുഹമ്മദ് ആലു ശരീഫിന് 20 ലക്ഷം റിയാലും സമ്മാനമായി ലഭിക്കും.അവസാന റൗണ്ട് മത്സരത്തിലെ വിജയികളെ പൊതു വിനോദ അതോറിറ്റി ചെയർമാൻ തുർക്കി ആലുശൈഖ് ആദരിച്ചു. കഴിഞ്ഞ ജനുവരിയിലാണ് മത്സരം ആരംഭിച്ചത് .ആദ്യ യോഗ്യതാ മത്സരങ്ങളിൽ 165 രാജ്യങ്ങളിൽ നിന്നുള്ള 50000 ലധികം പേർ പങ്കെടുത്തിരുന്നു.