യാത്രയ്ക്കിടെ എന്‍ജിന്‍ തകരാറിനെ തുടര്‍ന്ന് രണ്ട് ഇന്‍ഡിഗോ വിമാനങ്ങള്‍ സുരക്ഷിതമായി നിലത്തിറക്കി. കൊല്‍ക്കത്ത-ബാംഗ്ലൂര്‍ മുംബൈ- മധുര എന്നീ വിമാനങ്ങള്‍ക്കാണ് സര്‍വീസ് നടത്തുന്നതിനിടെ എന്‍ജിനില്‍ ഒന്ന് തകരാറ് സംഭവിച്ചത്. മണിക്കൂറുകളുടെ വ്യത്യാസത്തിലാണ് വിമാനത്തിന് തകരാറുകള്‍ സംഭവിച്ചത്.
എന്‍ജിനുകള്‍ തകരാറായത് കണ്ടെത്തിയതിനെ തുടര്‍ന്ന് അടിയന്തര ലാന്‍ഡിങ് തേടി വിമാനങ്ങള്‍ സുരക്ഷിതമായി നിലത്തിറക്കുകയായിരുന്നു.
ആവശ്യമായ അറ്റകുറ്റപ്പണി നടത്തിയ ശേഷം വിമാന സര്‍വീസ് പുനരാരംഭിക്കുമെന്ന് ഇന്‍ഡിഗോ വാര്‍ത്ത കുറിപ്പില്‍ അറിയിച്ചു.