തൃശൂര്‍: തൃശൂരില്‍ മരിച്ച യുവാവിന് മങ്കിപോക്‌സ് സ്ഥിരീകരിച്ച് പരിശോധനാഫലം. രാജ്യത്തെ ആദ്യ മങ്കിപോക്‌സ് മരണമാണിത്. പൂനൈ വൈറോളജി ലാബില്‍ നടത്തിയ പരിശോധനയിലാണ് രോഗം സ്ഥിരീകരിച്ചത്. മരിച്ച യുവാവിന്റെ സമ്പര്‍ക്ക പട്ടികയിലെ എല്ലാവരെയും നിരീക്ഷണത്തിലാക്കി.
വിമാനത്താവളത്തില്‍ നിന്ന് കൂട്ടിക്കൊണ്ടുവന്ന നാലു സുഹൃത്തുക്കളും കുടുംബാംഗങ്ങളും ആരോഗ്യപ്രവര്‍ത്തകരുമാണ് സമ്പര്‍ക്കപട്ടികയിലുള്ളത്. നാട്ടിലെത്തിയപ്പോള്‍ യുവാവ് ഫുട്‌ബോള്‍ കളിക്കാന്‍ പോയിരുന്നു. പരിശോധനാഫലം അനുസരിച്ച് ഒപ്പമുണ്ടായിരുന്നവരെയും നിരീക്ഷണത്തിലാക്കും. ഇവരുടെ സാമ്പിളുകള്‍ ആലപ്പുഴ വൈറോളജി ലാബിലാണ് പരിശോധിക്കുന്നത്. ഫലം ഇന്ന് ഉച്ചയോടെ ലഭിക്കുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
ചാവക്കാട് കുരിഞ്ഞിയൂര്‍ സ്വദേശിയായ 22കാരനാണ് ശനിയാഴ്ച മരിച്ചത്. യു.എ.ഇയില്‍ നിന്നെത്തിയ ഇയാളെ ഗുരുതരാവസ്ഥയില്‍ ആശുപത്രയില്‍ പ്രവേശിപ്പിക്കുകയായിരുന്നു.