സംസ്ഥാനത്തെ ട്രെയിൻ സർവീസുകളിൽ മാറ്റം; 34 ട്രെയിനുകളുടെ വേഗത കൂട്ടി.

സംസ്ഥാനത്തെ ചില ട്രെയിൻ സർവീസുകളിൽ മാറ്റം വരുത്തിയതായി റയിൽവേ അറിയിച്ചു. സർവീസുകൾ നീട്ടിയതും വേഗത കൂടിയതും , കൂടുതൽ സ്റ്റോപ്പുകൾ അനുവദിച്ചതുമായി മാറ്റങ്ങളാണ് വരുത്തിയിരിക്കുന്നത്.തിരുവനന്തപുരം -മധുര അമൃത എക്‌സ്പ്രസ് ഇന്ന് മുതൽ രാമേശ്വരം വരെ സർവീസ് നടത്തും.ഗുരുവായൂർ പുനലൂർ എക്‌സ്പ്രസ് മധുരയിലേക്ക് നീട്ടിയിട്ടുണ്ട്.തിരുനെൽവേലി -പാലക്കാട് പാലരുവി എക്‌സ്പ്രസ് സർവീസ് തൂത്തുകുടി വരെ നീട്ടിയിട്ടുണ്ട്.ഇതിന് പുറമെ തിരുവനന്തപുരം, പാലക്കാട് ഡിവിഷൻ ഉൾപ്പെടുന്ന സതേൺ റെയിൽവേക്ക് കീഴിലെ 34 ട്രെയിനുകളുടെ വേഗത കൂട്ടിയതായും റയിൽവേ അറിയിച്ചു. 199 ട്രെയിനുകൾക്ക് അധിക സ്റ്റോപ്പുകളും അനുവദിച്ചിട്ടുണ്ട്.