ഏഷ്യന്‍ ഗെയിംസ് ക്രിക്കറ്റില്‍ ശ്രീലങ്കയെ തകര്‍ത്ത് സ്വര്‍ണ്ണം സ്വന്തമാക്കി ഇന്ത്യന്‍ വനിതകള്‍. 20 ഓവറില്‍ ഇന്ത്യ ഉയര്‍ത്തിയ 117 റണ്‍സ് വിജയലക്ഷ്യം പിന്തുടര്‍ന്ന് ശ്രീലങ്കക്ക് 8 വിക്കറ്റ് നഷ്ടത്തില്‍ 96 റണ്‍സ് എടുക്കാനേ കഴിഞ്ഞുള്ളൂ.19 റണ്‍സിനാണ് ഇന്ത്യയുടെ വിജയം.
ഇന്ത്യക്കായി ടിട്ട്‌സ് സിന്ധു മൂന്നു വിക്കറ്റ് എറിഞ്ഞിട്ടു. 20 ഓവറില്‍ 7 വിക്കറ്റ് നഷ്ടത്തിലാണ് 116 റണ്‍സ് ഇന്ത്യ നേടിയെടുത്തത്. സ്മൃതി മന്ദാനയും ജമീമ റോഡിഗ്രസ് മാത്രമാണ് ഇന്ത്യക്കായി തിളങ്ങിയത്. ഇരുവരും 46ഉം 42ഉം റണ്‍സ് എടുത്തു.