ന്യൂസിലന്റിനെതിരായ ടി 20 പരമ്പരക്കുള്ള ഇന്ത്യന്‍ ടീമിനെ പ്രഖ്യാപിച്ചു. രോഹിത് ശര്‍മ ക്യാപ്റ്റനും കെഎല്‍ രാഹുല്‍ വൈസ്‌ക്യാപ്റ്റനുമാണ്.
ഐപിഎല്ലില്‍ ഓറഞ്ച് ക്യാപ്പ് നേടിയ ചെന്നൈ സൂപ്പര്‍ കിങ്‌സ് താരം റിതുരാജ് ഗെയ്ക്വാദ്, കൊല്‍ക്കത്തയുടെ താരമായ വെങ്കടേഷ് അയ്യര്‍, ഡല്‍ഹി താരമായ ആവേശ് ഖാന്‍ ആര്‍സിബിയുടെ ഹര്‍ഷല്‍ പട്ടേല്‍ എന്നിവരടക്കം ടീമിലിടം നേടി.
ഇഷാന്ത് കിഷനും റിഷഭ് പന്തുമാണ് വിക്കറ്റ് കീപ്പര്‍മാര്‍. വിരാട് കോലി, ജസ്പ്രീത് ബുംറ, മുഹമ്മദ് ഷമി എന്നിവര്‍ക്ക് വിശ്രമം അനുവദിച്ചു. ഹര്‍ദിക് പാണ്ഡ്യ, ഷര്‍ദുല്‍ ഠാക്കൂര്‍, രാഹുല്‍ ചാഹര്‍ എന്നിവര്‍ക്ക് ടീമിലിടം നേടാനായില്ല.
ടീം ഇങ്ങനെ: രോഹിത് ശര്‍മ (ക്യാപ്റ്റന്‍), കെഎല്‍ രാഹുല്‍ (വൈസ് ക്യാപ്റ്റന്‍), റിഥുരാജ് ഗെയ്ക്വാദ്, ശ്രേയസ് അയ്യര്‍, സൂര്യകുമാര്‍ യാദവ്, റിഷഭ് പന്ത്, ഇശാന്‍ കിഷന്‍, വെങ്കടേഷ് അയ്യര്‍, യുസ്വേന്ദ്ര ചാഹല്‍, ആര്‍ അശ്വിന്‍, അക്‌സര്‍ പട്ടേല്‍, ആവേഷ് ഖാന്‍, ഭുവനേശ്വര്‍ കുമാര്‍, ദീപക് ചാഹര്‍, ഹര്‍ഷല്‍ പട്ടേല്‍, മുഹമ്മദ് സിറാജ്.