കാനഡയിലെ എഡ്മന്റണില്‍ ഇന്ത്യന്‍ പൗരന്‍ വെടിയേറ്റു മരിച്ചു. ഹര്‍ഷന്‍ദീപ് സിങ് (20) ആണ് മരിച്ചത്. ഡിസംബര്‍ ആറിനാണ് സംഭവം നടന്നത്. രണ്ടു പേരെ അറസ്റ്റ് ചെയ്തിട്ടുണ്ട്. ഇവാന്‍ റെയിന്‍ (30), ജൂഡിത്ത് സോള്‍ട്ടോക്‌സ് (30) എന്നിവരെയാണ് അറസ്റ്റ് ചെയ്തത്. പ്രതികള്‍ക്കെതിരെ കൊലപാതക കുറ്റം ചുമത്തി കേസെടുത്തിട്ടുണ്ട്.
വെള്ളിയാഴ്ച സെന്‍ട്രല്‍ എഡ്മന്റണിലെ അപാര്‍ട്ട്‌മെന്റ് കോംപ്ലസില്‍ വെച്ചാണ് ഹര്‍ഷന്‍ദീപ് സിങിന് വെടിയേറ്റത്. ഉടന്‍ തന്നെ ഹര്‍ഷന്‍ദീപിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.പ്രാദേശിക ഭരണകൂടുമായി ബന്ധം പുലര്‍ത്തുന്നതായും യുവാവിന്റെ കുടുംബത്തിന് ആവശ്യമായ സഹായം നല്‍കുമെന്നും കോണ്‍സുലേറ്റ് അറിയിച്ചു.