ദുബൈ: ഇന്ത്യയില്‍ നിന്ന് യുഎഇയിലേക്ക് വിമാന ടിക്കറ്റ് ബുക്കിങ് ആരംഭിച്ചു. ജൂലൈ 15 മുതല്‍ ചില ഇന്ത്യന്‍ വിമാന കമ്പനികളാണ് ബുക്കിങ് ആരംഭിച്ചത്. എന്നാല്‍ യുഎഇയിലേക്ക് വിമാന സര്‍വീസ് എന്ന് പുനരാരംഭിക്കും എന്നതില്‍ ഇപ്പോഴും അനിശ്ചിതത്വം തുടരുകയാണ്.
ഇന്‍ഡിഗോ എയര്‍ലൈന്‍സ്, വിസ്താര എയര്‍ലൈന്‍സ് എന്നീ വിമാന കമ്പനികളാണ് ടിക്കറ്റ് ബുക്കിങ് ആരംഭിച്ചിരിക്കുന്നത്.
അതേസമയം ജൂലൈ 21 വരെ ഇന്ത്യയില്‍ നിന്ന് അബുദാബിയിലേക്കുള്ള വിമാന സര്‍വീസുകളില്ലെന്ന് ഇത്തിഹാദ് എയര്‍വെയ്‌സും എയര്‍ ഇന്ത്യയും നേരത്തെ അറിയിച്ചിരുന്നു. കോവിഡ് വ്യാപിച്ച പശ്ചാത്തലത്തില്‍ ഏപ്രില്‍ 25മുതലാണ് ഇന്ത്യയില്‍ നിന്നുള്ള യാത്രക്കാര്‍ക്ക് യുഎഇ യാത്ര വിലക്ക് ഏര്‍പ്പെടുത്തിയത്.