ലോകകപ്പ് ക്രിക്കറ്റില്‍ ഇന്ത്യയുടെ എട്ടാം മത്സരത്തില്‍ ബംഗ്ലാദേശിനെതിരെ ഇന്ത്യ ബാറ്റിംങ് തെരഞ്ഞെടുത്തു. ടീമില്‍ രണ്ട് മാറ്റവുമായാണ് ഇന്ത്യ ഇറങ്ങുന്നത്. സ്പിന്നര്‍ കുല്‍ദീപ് യാദവിന് പകരം ഭുവനേശ്വര്‍ ടീമില്‍ എത്തിയപ്പോള്‍, കേദാര്‍ ജാദവിന് പകരം ദിനേശ് കാര്‍ത്തിക്ക് ടീമില്‍ ഇടം പിടിച്ചു.
കഴിഞ്ഞ മത്സരത്തില്‍ ജാദവിന്റെ മെല്ലപോക്കാണ് തോല്‍വിക്ക് കാരണമെന്ന് ചര്‍ച്ച ചെയ്യപ്പെട്ടിരുന്നു. ബംഗ്ലാദേശ് നിരയില്‍ മാറ്റങ്ങളൊന്നുമില്ല.കഴിഞ്ഞ മത്സരത്തിലെ തോല്‍വിയില്‍ നിന്ന് ഇന്ത്യക്ക് ഉയര്‍ത്തെഴുന്നേല്‍ക്കാന്‍ സാധിക്കുമോ എന്നാണ് ക്രിക്കറ്റ് ലോകം കാത്തിരിക്കുന്നത്.