രണ്ട് സംസ്ഥാനങ്ങളില്‍ നടന്ന തെരഞ്ഞെടുപ്പിന്റെ ആദ്യഘട്ട ഫലസൂചനങ്ങള്‍ പുറത്ത് വരുമ്പോള്‍ ഗുജറാത്തില്‍ ബിജെപി മുന്നേറ്റം. ആകെ 182 സീറ്റുകളുള്ള ഗുജറാത്തില്‍ 131 സീറ്റുകളിലാണ് ബിജെപി ലീഡ് ചെയ്യുന്നത്. വെറും 42 സീറ്റുകളില്‍ കോണ്‍ഗ്രസും അഞ്ചു സീറ്റുകളില്‍ ആം ആദ്മി പാര്‍ട്ടിയും മുന്നിട്ട് നില്‍ക്കുന്നു.
92 സീറ്റാണ് കേവല ഭൂരിപക്ഷത്തിന് വേണ്ടത്. വോട്ടെണ്ണല്‍ തുടങ്ങി ആദ്യ മണിക്കൂറില്‍ തന്നെ ബിജെപി കുതിപ്പ് തുടര്‍ന്നിരുന്നു. ഗുജറാത്തില്‍ ബിജെപി തുടര്‍ന്ന് ഭരണം ഉണ്ടാകുമെന്ന് എക്‌സിറ്റ്‌പോള്‍ ഫലം ശരി വെക്കുന്നതാണ് ഇപ്പോള്‍ കാണാനാവുന്നത്. 2017ലെ നിയമസഭാ തിരഞ്ഞെടുപ്പില്‍ ബിജെപി 99 സീറ്റും കോണ്‍ഗ്രസ് 77 സീറ്റുമാണ് നേടിയത്.
ഡിസംബര്‍ ഒന്നു മുതല്‍ അഞ്ചുവരെ രണ്ട് ഘട്ടങ്ങളിലായിരുന്നു ഗുജറാത്തില്‍ ഇലക്ഷന്‍ നടന്നത്.