ലോകകപ്പിൽ ഇന്ത്യക്കെതിരെ ബംഗ്ലാദേശിനു ബാറ്റിംഗ്. ടോസ് നേടിയ ബംഗ്ലാദേശ് സ്റ്റാൻഡ് ഇൻ ക്യാപ്റ്റൻ നസ്മുൽ ഹുസൈൻ ഷാൻ്റോ ബാറ്റിംഗ് തിരഞ്ഞെടുക്കുകയായിരുന്നു. പരുക്കേറ്റ ക്യാപ്റ്റൻ ഷാക്കിബ് അൽ ഹസൻ ഇന്ന് കളിക്കില്ല. നസും അഹ്മദ് പകരം ടീമിലെത്തി. ടാസ്കിൻ അഹ്മദിനു പകരം ഹസൻ മഹ്മൂദും കളിക്കും. ഇന്ത്യൻ ടീമിൽ മാറ്റമില്ല.മൂന്ന് മത്സരങ്ങളും ജയിച്ച് ഉജ്ജ്വല ഫോമിലാണ് ഇന്ത്യ. എന്നാൽ, മൂന്നിൽ രണ്ടെണ്ണത്തിലും തോറ്റ ബംഗ്ലാദേശ് രണ്ടാം ജയം തേടിയാണ് കളത്തിലിറങ്ങുന്നത്.