റൂര്‍ക്കല: ലോകകപ്പ് ഹോക്കിയിലെ ഡി ഗ്രൂപ്പിലെ രണ്ടാം മല്‍സരത്തിലിന്ന് ഇന്ത്യ കരുത്തരായ ഇംഗ്ലണ്ടിനെതിരെ. വൈകീട്ട് ഏഴിന് റൂര്‍ക്കലയിലെ പുതിയ വേദിയിലാണ് മല്‍സരം. ഗ്രൂപ്പ് ഡിയിലെ ആദ്യ മല്‍സരത്തില്‍ ഇന്ത്യ രണ്ട് ഗോളിന് സ്‌പെയിനിനെ പരാജയപ്പെടുത്തിയിരുന്നു. ഇംഗ്ലണ്ടാവട്ടെ മറുപടിയില്ലാത്ത അഞ്ച് ഗോളിന് വെയില്‍സിനെയും തരിപ്പണമാക്കിയിരുന്നു.
ഇന്നലെ ബെല്‍ജിയം അഞ്ച് ഗോളിന് ദക്ഷിണ കൊറിയയെയും ന്യുസിലന്‍ഡ് 3-1 ന് ചിലിയേയും നെതര്‍ലന്‍ഡ്‌സ് നാല് ഗോളിന് മലേഷ്യയെയും തോല്‍പ്പിച്ചു.