കോട്ടയം: വാഹനാപകടത്തില്‍ രണ്ടുപേര്‍ മരിച്ച സംഭവത്തില്‍ ജോസ് കെ മാണിയുടെ മകന്‍ കെഎം മാണിയെ പൊലീസ് അറസ്റ്റ് ചെയ്തു. പിന്നാലെ ജാമ്യത്തില്‍ വിട്ടു. അലക്ഷ്യമായി വാഹനമോടിച്ചതിനും മനപ്പൂര്‍വമല്ലാത്ത നരഹത്യയ്ക്കുമാണ് കെ.എം മാണിക്കെതിരേ കേസെടുത്തിരിക്കുന്നത്.
മണിമല ബിഎസ്എന്‍എല്‍ ഓഫീസിന് സമീപം ശനിയാഴ്ച രാത്രിയാണ് അപകടം നടന്നത്. ഇന്നോവ സ്‌കൂട്ടറുമായി കൂട്ടിയിടിച്ചാണ് അപകടം. സംഭവത്തില്‍ മണിമല സ്വദേശികളായ മാത്യു ജോണ്‍ (35) ജീന്‍സ് ജോണ്‍ (30) എന്നിവരാണ് മരിച്ചത്.