എറണാകുളം മഹാരാജാസ് കോളേജിനു മുന്നില്‍ സ്വകാര്യ ബസ് ജീവനക്കാരെ മര്‍ദിച്ച സംഭവത്തില്‍ 3 എസ്.എഫ്.ഐ പ്രവര്‍ത്തകര്‍ അറസ്റ്റില്‍. ഇന്നലെ വൈകീട്ടാണ് സംഭവം. എസ്എഫ്‌ഐ പ്രവര്‍ത്തകരുടെ അക്രമണത്തില്‍ ബസ് കണ്ടക്ടറായ ജെഫിന് പരിക്കേറ്റിരുന്നു. അനന്തു, ഷിഹാബ്, അശ്വിന്‍ എന്നിവരെയാണ് എറണാകുളം പൊലീസ് അറസ്റ്റ് ചെയ്തത്.
ചോറ്റാനിക്കര- ആലുവ റൂട്ടിലോടുന്ന ‘സാരഥി’ ബസിലെ കണ്ട്ടറാണ് ജെഫിന്. ഇന്നലെ ഉച്ചയ്ക്ക് 1.45ന് മഹാരാജാസ് കോളേജിന് മുന്നിലെത്തിയ ബസില്‍ കയറിയ വിദ്യാര്‍ത്ഥികളുടെ സംഘം കണ്ട്ടറുമായി തര്‍ക്കമുണ്ടാകുകയും സംഘര്‍ഷത്തില്‍ അവസാനിക്കുകയായിരുന്നു.