തിരുവനന്തപുരം കവടിയാറില്‍ നടുറോഡില്‍ യുവതിക്ക് നേരെ അതിക്രമം. ഇന്ന് രാവിലെയാണ് സംഭവം.സംഗീത കോളജിലെ വിദ്യാര്‍ത്ഥിനിയെയാണ് കവടിയാറില്‍ നടുറോഡില്‍ വെച്ച് കടന്നുപിടിക്കാനുള്ള ശ്രമം നടന്നത്. ഉടന്‍തന്നെ യുവതി മ്യൂസിയം പൊലീസില്‍ പരാതി നല്‍കി. പൊലീസ് നടത്തിയ അന്വേഷണത്തില്‍ പ്രാവച്ചമ്പലം സ്വദേശി വൈശാഖിനെ പോലീസ് പിടികൂടി. സിസിടിവി ദൃശ്യങ്ങള്‍ പരിശോധിച്ചാണ് പൊലീസ് പ്രതിയെ പിടികൂടിയത്.
കുറച്ച് ദിവസങ്ങള്‍ക്ക് മുന്‍പ് സാമനമായ സംഭവം തൃശൂര്‍ സ്വദേശിനിക്ക് നേരെ ഉണ്ടായിരുന്നു. ഈ സംഭവത്തിലെ പ്രതിയെ പിടികൂടാന്‍ ഇതുവരെ പൊലീസിനു കഴിഞ്ഞിട്ടില്ല.