കലാപം നടന്നുകൊണ്ടിരിക്കുന്ന മണിപ്പൂരില്‍ നിന്നും ഞെട്ടിക്കുന്ന വാര്‍ത്തകളാണ് നിരന്തരം പുറത്തുവന്നുകൊണ്ടിരിക്കുന്നത്. മണിപ്പൂരില്‍ രണ്ട് സ്ത്രീകളെ റോഡിലൂടെ നഗ്‌നരാക്കി നടത്തി വീഡിയോ എടുത്തു. തുടര്‍ന്ന് വീഡിയോ സാമൂഹ്യ മാധ്യമങ്ങളില്‍ വ്യാപകമായി പങ്കുവെക്കുകയും ചെയ്തു. ഇവരെ സമീപത്തെ വയലില്‍ വച്ച് കൂട്ട ബലാത്സംഗം ചെയ്തതായും കുകി ഗോത്ര സംഘടന ആരോപിക്കുന്നു.
മെയ് നാലിന് തലസ്ഥാനനഗരിയായ ഇംഫാലില്‍ നിന്ന് 35 കിലോമീറ്റര്‍ അകലെയുള്ള കാഗ്‌പോക്പി എന്ന ജില്ലയിലാണ് സംഭവം നടന്നതെന്ന് വിവിധ വാര്‍ത്ത ഏജന്‍സികള്‍ പറയുന്നു. മെയ്ത്തി വിഭാഗത്തില്‍പ്പെട്ട ആളുകളാണ് കൃത്യം നടത്തിയത് എന്നും കുകി വിഭാഗത്തിന് നേരെയാണ് ആക്രമണം ഉണ്ടായത് എന്നുമാണ് അറിയാന്‍ കഴിയുന്നത്. സംഭവം വ്യാപകമായി പ്രചരിച്ചതോടെ വിമര്‍ശിച്ച് നിരവധി പേര്‍ രംഗത്തെത്തിയിട്ടുണ്ട്.
ബിജെപി ഭരിക്കുന്ന മണിപ്പൂരില്‍ മെയ് 4 മുതല്‍ ഇന്റര്‍നെറ്റ് പാടെ ഇല്ലാത്ത അവസ്ഥയാണ്. ഇരു വിഭാഗങ്ങള്‍ തമ്മിലുള്ള
ഒരു മാസത്തിലേറെയായി തുടരുന്ന സംഘര്‍ഷത്തില്‍ ഇതുവരെ 130 അധികം പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. സംഘര്‍ഷം അവസാനിപ്പിക്കാന്‍ ബിജെപി ഭരിക്കുന്ന കേന്ദ്ര-സംസ്ഥാന സര്‍ക്കാറുകള്‍ക്ക് ഇതുവരെ കഴിഞ്ഞിട്ടില്ല. നാളിതുവരെ പ്രധാനമന്ത്രി ഒരു വാക്കുപോലും ഇതിനെക്കുറിച്ച് മിണ്ടാത്തത് വലിയ വിമര്‍ശനങ്ങള്‍ക്ക് വഴി വച്ചിട്ടുണ്ട്.