ക്യഷിയിടത്തില്‍ ഇറങ്ങിയ കാട്ടാന വൈദ്യുതി വേലിയില്‍ കുടുങ്ങി. മണിക്കൂറുകളോളം വേലിയില്‍ കുടുങ്ങിക്കിടന്ന ആനയെ ഒടുവില്‍ നാട്ടുകാര്‍ വൈദ്യുതി വേലിയിലിയുടെ ഫ്യൂസ് ഊരി നാട്ടുകാര്‍ ആനയെ രക്ഷപ്പെടുത്തി. നിലമ്പൂരിലെ കൃഷിയിടത്തിലാണ് കാട്ടാന ഇറങ്ങിയത്. എന്നാല്‍ രക്ഷപ്പെട്ട് പുറത്തേക്കിറങ്ങിയ ആന അല്‍പ്പ സമയം സമീപത്തുള്ള റോഡില്‍ നിലയുറപ്പിക്കുകയായിരുന്നു. രക്ഷപ്പെട്ട ശേഷം സമീപത്തെ റോഡില്‍ നിലയുറപ്പിച്ച ആന അതു വഴി വന്ന കാറിന് നേരെ ചീറിയടുത്തു.
കാര്‍ പിന്നോട്ട് എടുത്ത് കാര്‍ യാത്രക്കാര്‍ രക്ഷപ്പെടുകയുമായിരുന്നു. പിന്നീട് കുറുന്തോട്ടിമണ്ണയിലെ വനമേഖലയിലേക്ക് കടന്നു പോയി. നാട്ടുകാര്‍ വിവരമറിയച്ചതോടെ ആര്‍ആര്‍ടി ഉദ്യോഗസ്ഥര്‍ സ്ഥലത്തെത്തി പടക്കം പൊട്ടിച്ച് കരിമ്പുഴ പാലത്തിന് സമീപം വനത്തിലേക്ക് കയറ്റി വിട്ടു. സ്വകാര്യ വ്യക്തി സ്ഥാപിച്ച വേലിയില്‍ നിന്നാണ് ആനയ്ക്ക് വൈദ്യുതാഘാതമേറ്റത്. കരിമ്പുഴ കുറുന്തോട്ടിമണ്ണ പ്രദേശത്ത് കൂടിയാണ് ആന കൃഷിയിടത്തില്‍ പ്രവേശിച്ചത്.