കാട്ടാക്കട കോളേജിലെ ആള്‍മാറാട്ടത്തില്‍ എസ്.എഫ്.ഐ നേതാവ് എ. വിശാഖിനെ കോളേജ് സസ്‌പെന്‍ഡ് ചെയ്തു. കോളേജിലെ പുതിയ പ്രിന്‍സിപ്പലാണ് നടപടിയെടുത്തത്. എസ്.എഫ്.ഐ യുടെ ആള്‍മാറാട്ടത്തിന് കൂട്ടുനിന്ന കാട്ടാക്കട ക്രിസ്ത്യന്‍ കോളേജ് പ്രിന്‍സിപ്പല്‍ ജി.ജെ ഷൈജുവിനേയും നേരത്തെ സസ്‌പെന്‍ഡ് ചെയ്തിരുന്നു.
സര്‍വകലാശാല നിര്‍ദേശവും പൊലീസ് കേസും പരിഗണിച്ച് കോളേജ് മാനേജ്‌മെന്റാണ് ഷൈജുവിനെ സ്ഥാനത്തുനിന്ന് നീക്കിയത്. രണ്ടാം പ്രതിയായ എസ്.എഫ്.ഐ നേതാവ് എ. വിശാഖിന് സ്ഥാനമാനങ്ങള്‍ ലഭിക്കുന്നതിനുവേണ്ടി പ്രിന്‍സിപ്പല്‍ ഷൈജു വ്യാജരേഖ ഉണ്ടാക്കിയെന്നാണ് എഫ്.ഐ.ആര്‍.