വിദ്യാർഥിനികളുടെ ചിത്രങ്ങള്‍ അശ്ലീല വെബ് സൈറ്റുകളിൽ പോസ്റ്റ് ചെയ്ത യുവാവിന് സ്‌റ്റേഷന്‍ ജാമ്യം നൽകിയ പൊലീസ് നടപടിയില്‍ വിദ്യാർഥിനികൾ പ്രതിഷേധിച്ചു. മറ്റൂര്‍ വട്ടപ്പറമ്പ് മാടശ്ശേരി വീട്ടില്‍ രോഹിത്താണ് (24) ശ്രീശങ്കര കോളജിലെ 25ഓളം വിദ്യാർഥിനികളുടെ ചിത്രങ്ങൾ അശ്ലീല സൈറ്റുകളില്‍ ഇട്ടത്. ഇയാളെ തിങ്കളാഴ്ച പൊലീസ് പിടികൂടിയിരുന്നു.
ശ്രീശങ്കര കോളജിലെ മുൻ എസ്.എഫ്.ഐ യൂനിറ്റ് ഭാരവാഹിയും ഫോട്ടോഗ്രാഫറുമാണ് രോഹിത്ത്. കാമ്പസില്‍നിന്ന് പഠനം കഴിഞ്ഞ് പോയെങ്കിലും സ്ഥിരമായി ഈ ഭാഗങ്ങളില്‍ ഇയാൾ കറങ്ങി നടക്കാറുണ്ടെന്നും പെണ്‍കുട്ടികള്‍ പരാതിപ്പെട്ടു. വിദ്യാർഥിനികളുടെ പരാതിയിലാണ് ഇയാളെ പിടികൂടിയത്.