ലോകം മുഴുവന്‍ ഖത്തര്‍ ലോകകപ്പിലേക്ക് ചങ്കിടിപ്പോടെ കാത്തിരിക്കുമ്പോള്‍ ആത്മവിശ്വാസത്തോടെ അര്‍ജന്റീനന്‍ സൂപ്പര്‍താരം ലയണല്‍ മെസ്സി. ഞാന്‍ തയ്യാര്‍ ,അസാധ്യമായി ഒന്നുമില്ല എന്ന അടിക്കുറിപ്പോട് കൂടിയാണ് മെസ്സി പുതിയ ചിത്രം തന്റെ സാമൂഹ്യ മാധ്യമങ്ങള്‍ വഴി പങ്കുവെച്ചിരിക്കുന്നത്.
ആത്മവിശ്വാസത്തിന്റെ പുഞ്ചിരി തൂകി ഫുട്‌ബോളും അരികെ വെച്ചാണ് മെസ്സി ചിത്രം പങ്കുവെച്ചിരിക്കുന്നത്. ഫോട്ടോ പങ്കുവെച്ച് നിമിഷങ്ങള്‍ക്കകം തന്നെ മില്യണ്‍ ലൈക്കുകളും കമന്റുകളുമാണ് ചിത്രത്തിന് വന്നിട്ടുള്ളത്.
ഖത്തര്‍ ലോകകപ്പിന്റെ ഫൈനല്‍ പോരാട്ടത്തില്‍ ഇന്ന് അര്‍ജന്റീനയും ഫ്രാന്‍സും തമ്മിലാണ് മത്സരം. വൈകിട്ട് എട്ടര മണിക്ക് ലൂസൈല്‍ സ്റ്റേഡിയത്തിലാണ് കളി നടക്കുക.