കൊച്ചി: മോന്‍സണ്‍ മാവുങ്കലിന്റെ പുരാവസ്തുതട്ടിപ്പുമായി ബന്ധപ്പെട്ട വഞ്ചനാകേസിലെ മൂന്നാം പ്രതി ഐ.ജി ജി.ലക്ഷ്മണയെ ഇന്ന് അന്വേഷണ സംഘം ചോദ്യം ചെയ്യും. തനിക്കെതിരായ കേസ് റദ്ദാക്കണമെന്നാവശ്യപ്പെട്ട് കഴിഞ്ഞ ദിവസം ഹൈക്കോടതിയെ സമീപിച്ച ഐ.ജി ലക്ഷ്മണ്‍ സര്‍ക്കാരിനെതിര ഗുരുതരമായ ആരോപണം ഉന്നയിച്ചിരുന്നു.
സംസ്ഥാനത്തെ ചില സാമ്പത്തിക ഇടപാടുകളില്‍ മധ്യസ്ഥത വഹിക്കാനും തര്‍ക്കങ്ങള്‍ ഒത്തുതീര്‍ക്കാനും മുഖ്യമന്ത്രിയുടെ ഓഫീസ് കേന്ദ്രീകരിച്ച് ഒരു അസാധാരണ ഭരണഘടനാ അതോറിറ്റി പ്രവര്‍ത്തിക്കുന്നുണ്ടെന്നായിരുന്നു ഹൈക്കോടതിയില്‍ ലക്ഷ്മണയുടെ വെളിപ്പെടുത്തല്‍. നിയമവിരുദ്ധമായ കാര്യങ്ങള്‍ ചെയ്യുന്നതിനു അദൃശ്യ കരങ്ങളാണ് അസാധാരണ അധികാര കേന്ദ്രങ്ങള്‍ക്ക് പിന്നിലെന്നും ലക്ഷ്മ ണ ആരോപിച്ചിരുന്നു.