കേരള മുസ്‌ലിം വെല്‍ഫെയര്‍ അസോസിയേഷന്‍ ഡല്‍ഹി മയൂര്‍ വിഹാറില്‍ ഇഫ്താര്‍ സൗഹൃദ സംഗമം നടത്തി. പരിപാടിയില്‍ ഇ.ടി മുഹമ്മദ് ബഷീര്‍ എം.പി ഉള്‍പ്പെടെ നിരവധി പ്രമുഖര്‍ പങ്കെടുത്തു.
പുതിയ കാലത്ത് ഇത്തരം കൂട്ടായ്മകള്‍ക്ക് വലിയ അര്‍ത്ഥതലങ്ങളുണ്ടെന്നും പരസ്പരമുള്ള കൂടിയിരുത്തങ്ങളിലൂടെ മാത്രമേ ഐക്യവും, സ്‌നേഹവും വളര്‍ത്തിയെടുക്കുവാന്‍ സാധിക്കൂകയെന്നും അദ്ദേഹം ഫെയ്‌സ്ബുക്കില്‍ കുറിച്ചു.
അഡ്വ: ഹാരിസ് ബീരാന്റെ നേതൃത്വത്തില്‍ സ്തുത്യര്‍ഹമായ പ്രവര്‍ത്തനങ്ങളുമായി മുന്നോട്ട് പോകുന്ന കെ.എം.ഡബ്ല്യൂ.എക്ക് എല്ലാ വിധ ഭാവുകങ്ങളും നേരുകയും ചെയ്തു അദ്ദേഹം. ചടങ്ങില്‍ സി.പി.ഐ.(എം) ജനറല്‍ സെക്രട്ടറി സീതാറാം യെച്ചൂരി, മുഹമ്മദ് ഫൈസല്‍ എം. പി എന്നിവരും പങ്കെടുത്തു.