കോഴിക്കോട് സിപിഎം സംഘടിപ്പിച്ച മാര്‍ച്ചില്‍ കൊലവിളി മുദ്രാവാക്യവുമായി സിപിഎം പ്രവര്‍ത്തകര്‍. കോഴിക്കോട് തിക്കോടിയിലാണ് സംഭവം.
കൊല്ലപ്പെട്ട കോണ്‍ഗ്രസ് പ്രവര്‍ത്തകരായ കൃപേഷ്, ശരത്‌ലാല്‍, ശുഹൈബ് എന്നിവരെ ഓര്‍മ്മയില്ലേ.. എന്ന് ചോദിച്ചാണ് കൊലവിളി മുദ്രാവാക്യം. പ്രസ്ഥാനത്തിന് നേരെ തിരിഞ്ഞാല്‍ വീട്ടില്‍ കയറി കൊത്തിക്കീറുമെന്നും മുദ്രാവാക്യത്തില്‍ പറയുന്നു. സിപിഎമ്മിന് നേരെ വരുന്നത് ഇതൊക്കെ ഓര്‍ത്തു വേണമെന്നും പ്രകോപനപരമായ മുദ്രാവാക്യത്തില്‍ ഉള്‍പ്പെട്ടിട്ടുണ്ട്.
എന്നാല്‍ സംഭവത്തില്‍ ഇതുവരെ പരാതി ലഭിച്ചില്ല എന്നാണ് പോലീസ് വാദം.