മുഖ്യമന്ത്രി പിണറായി വിജയനെ രൂക്ഷമായി വിമര്‍ശിച്ച് മുസ്ലിം ലീഗ് നേതാവ് എം കെ മുനീര്‍ എംഎല്‍എ. മുഖ്യമന്ത്രി പിണറായി വിജയനെ പോലെ കാപട്യമുള്ള മനുഷ്യനെ ജീവിതതില്‍ ഇത് വരെ കണ്ടിട്ടില്ല എന്നായിരുന്നു എം കെ മുനീറിന്റെ പ്രതികരണം. കോണ്‍ഗ്രസിനെയും ലീഗിനെയും തമ്മിലടിപ്പിച്ച് ചോര കുടിക്കാനാണ് മുഖ്യമന്ത്രി ശ്രമിക്കുന്നതെന്നും അദ്ദേഹം കുറ്റപ്പെടുത്തി.
ഷാഫി പറമ്പിലിനെ വടകരയില്‍ ലീഗിന്റെ കൊടികളുമായി സ്വീകരിച്ചപ്പോള്‍ വായനാട്ടില്‍ കൊടി ഉയര്‍ത്താത്തത് എന്ത് കൊണ്ട് എന്ന ചോദ്യത്തിന് കൊടി ഉപയോഗിക്കണോ വേണ്ടയോ എന്ന് ലീഗ് തീരുമാനിക്കും. അവിടെ സിപിഎമ്മിന്റെ സേവനം വേണ്ട.
സിപിഎമ്മിന് മറുപടി നല്‍കേണ്ട ഗതികേട് ലീഗിനില്ല. രാഹുല്‍ ഗാന്ധിയെ തോല്‍പ്പിക്കുക എന്ന ഒറ്റ ലക്ഷ്യമാണ് മുഖ്യമന്ത്രിക്കുള്ളത് എന്നും ബിജെപിയെ വിമര്‍ശിക്കാന്‍ പിണറായി വിജയന് പേടിയാണെന്നും അദ്ദേഹം പറഞ്ഞു. ദേശാഭിമാനി കണ്ടാല്‍ ജന്മഭൂമിയാണോ ദേശാഭിമാനിയാണോയെന്ന് സംശയമാണെന്നും മുനീര്‍ പരിഹസിച്ചു.