മസ്‌കറ്റ്: മസ്‌കറ്റ് കെഎംസിസി അല്‍ഖൂദ് ഏരിയ കമ്മിറ്റിയും സമസ്ത ഇസ്ലാമിക് സെന്റര്‍ അല്‍ഖൂദ് കമ്മിറ്റിയും സംയുക്തമായി അല്‍ഖൂദ് സൂഖ് അബ്ദുല്‍ റഹ്‌മാന്‍ ബിന്‍ ഔഫ് മസ്ജിദ് മജ്‌ലിസില്‍ ആരംഭിച്ച ഹൈദരലി ശിഹാബ് തങ്ങള്‍ സ്മാരക ഖുര്‍ആന്‍ മദ്രസയുടെ പ്രവേശനോത്സവം നടന്നു.
മസ്‌കറ്റ് റേഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് യൂസുഫ് ഉസ്താദ് സീബ് ഉദ്ഘാടനം ചെയ്തു. ഹമീദ് പേരാമ്പ്ര അധ്യക്ഷത വഹിച്ച ചടങ്ങില്‍ യൂസഫ് അല്‍ ബലൂഷി,അബ്ദുല്‍ അസീസ് അല്‍ ബിന്‍ ഹിലാല്‍ അല്‍ബലൂഷി എന്നിവര്‍ മുഖ്യാതിഥികളായിരുന്നു.
മസ്‌കറ്റ് റേഞ്ച് ജംഇയ്യത്തുല്‍ മുഅല്ലിമീന്‍ ജനറല്‍ സെക്രട്ടറി ഷിഹാബ് ഫൈസി വയനാട് മുഖ്യ പ്രഭാഷണം നിര്‍വ്വഹിച്ചു. സയീദ് ശിവപുരം, ഹാഫിള് മിസ്ബാഹ്, അമീന്‍ ഹുദവി, അബ്ദുല്‍ ഹമീദ് കുറ്റ്യാടി, എന്‍.എ.എം. ഫാറൂഖ്, ഷദാബ് തളിപ്പറമ്പ്, ഇജാസ് അഹമ്മദ്, ഡോ. സയ്യിദ് സൈനുല്‍ ആബിദ്, ഫസലുറഹ്‌മാന്‍, ഇഖ്ബാല്‍ കൂനിയില്‍, സി.വി.എം.ബാവ വേങ്ങര എന്നിവര്‍ സംബന്ധിച്ചു. ടി.പി. മുനീര്‍ സ്വാഗതവും ജാബിര്‍ മയ്യില്‍ നന്ദിയുംപറഞ്ഞു.