ഹൈദരാബാദിൽ ഇസ്രാഈലിനെതിരെ പ്രതിഷേധം സംഘടിപ്പിച്ച വിദ്യാർഥികളെ പൊലീസ് കസ്റ്റഡിയിലെടുത്തു.ഹൈദരാബാദ് സെൻട്രൽ യൂനിവേ്സിറ്റി വിദ്യാർഥികളെയാണ് പൊലീസ് കസ്റ്റഡിയിലെടുത്തത്. ഫലസ്തീൻ ജനതയ്ക്ക് ഐക്യദാർഢ്യം പ്രഖ്യാപിച്ച് അംബേദ്കർ പ്രതിമയ്ക്ക് സമീപമായിരുന്നു പരിപാടി സംഘടിപ്പിച്ചത്. വിദ്യാർഥികൾ ഫലസ്തീൻ നീണാൾ വാഴട്ടെ എന്നെഴുതിയ പ്ലക്കാർഡ് ഉയർത്തിപ്പിടിക്കുകയും ഇസ്രായേലിനെ അപലപിക്കുന്ന മുദ്രാവാക്യങ്ങൾ മുഴക്കുകയും ചെയ്തു. പെൺകുട്ടികളായിരുന്നു പ്രതിഷേധക്കാരിൽ കൂടുതൽ.എന്നാൽ പ്രതിഷേധത്തിന് അനുമതി വാങ്ങിയിരുന്നില്ലെന്ന് പോലീസ് ഉദ്യോഗസ്ഥൻ അറിയിച്ചു.