ഹൈദരാബാദ് ഇംഗ്ലീഷ് ആൻഡ് ഫോറിൻ ലാംഗ്വേജ് യൂണിവേഴ്‌സിറ്റി (ഇഫ്‌ളു) യൂണിയൻ ഇലക്ഷനിൽ എം.എസ്.എഫ് മുന്നണിയായ ഡെമോക്രയേറ്റിക് ഫ്രണ്ടിന് ഉജ്ജ്വല വിജയം. തെലുഗു സ്റ്റുഡൻസ് ഫെഡറേഷൻ(ടി.എസ്.എഫ്), എം.എസ്.എഫ് എന്നിവർ ചേർന്ന ഡെമോക്രാറ്റിക് ഫ്രണ്ടും ഇടത് സഖ്യവും ചേർന്ന് യൂണിയൻ നയിക്കും.
യൂണിയൻ പ്രസിഡന്റായി വികാസ് പൊരിക, വൈസ് പ്രസിഡന്റായി ആർദ്ര, ജനറൽ സെക്രട്ടറി ദീന ജോർജ്, ജോയിന്റ് സെക്രട്ടറിയായി നൂറ മൈസൂൺ, കൾച്ചറൽ സെക്രട്ടറി സൗമ്യ, സ്‌പോർട്‌സ് സെക്രട്ടറിയായി അർബാസ് അമൻ എന്നിവരാണ് തെരഞ്ഞെടുക്കപ്പെട്ടത്. സ്‌കൂൾ ഓഫ് ലാംഗ്വേജ് എജുക്കേഷൻ കൗൺസിലറായി ഫായിസ്, സ്‌കൂൾ ഓഫ് ലിറ്ററൽ സ്റ്റഡീസ് കൗൺസിലറായി സലാമ, സ്‌കൂൾ ഓഫ് കഫ്റ്റീരിയ കൗൺസിലറായി റഫ്‌ന എന്നിവർ എം.എസ്.എഫിന്റെ പ്രതിനിധികളായി വിജയിച്ചു.
എ.ബി.വിപിക്ക് ഒരു ഇടവും നൽകാതെ തെരഞ്ഞെടുപ്പ് ചരിത്ര വിജയമാക്കിയ പ്രവർത്തകരെ എം.എസ്.എഫ് ദേശീയ പ്രസിഡന്റ് പി.വി അഹ്‌മദ് സാജു അഭിനന്ദിച്ചു. ദേശീയതലത്തിൽ ഇന്ത്യാ സഖ്യത്തെ മാതൃകയാക്കി എ.ബി.വി.പി വിരുദ്ധ ചേരി ശക്തിപ്പെടുത്തുമെന്ന് അദ്ദേഹം പ്രസ്താവിച്ചു. മതേതര ചേരിയെ ശക്തിപ്പെടുത്താൻ എം എസ് എഫ് മുന്നിൽ നിൽക്കുമെന്നും അഹമ്മദ് സാജു പറഞ്ഞു.