ഹൈദരാബാദ് ബിജെപി എംപി അരവിന്ദ് ധര്‍മപുരിയുടെ വീട് തകര്‍ത്തതില്‍ ടിആര്‍എസ് പ്രവര്‍ത്തകര്‍ക്കെതിരെ കേസ്. 50 ടിആര്‍എസ് പ്രവര്‍ത്തകര്‍ക്കെതിരെയാണ് കേസ് എടുത്തത്. തെലങ്കാന മുഖ്യമന്ത്രി കെ. ചന്ദ്രശേഖര്‍ റാവുവിന്റെ മകള്‍ കെ കവിതയ്‌ക്കെതിരെ അപകീര്‍ത്തികരമായ പരാമര്‍ശം നടത്തിയെന്നാരോപിച്ചായിരുന്നു വീട് തകര്‍ത്തത്.
വീട് തകര്‍ത്ത ടിആര്‍എസ് പ്രവര്‍ത്തകര്‍ക്കെതിരെ കേസ് എടുത്തെങ്കിലും അറസ്റ്റ് രേഖപ്പെടുത്തിയിട്ടില്ല. സംഭവത്തെ അപലപിച്ച് ബിജെപി രംഗത്തെത്തി. കവിതയെ ബിജെപി പാര്‍ട്ടിയിലെത്തിക്കാന്‍ ശ്രമിച്ചുവെന്ന വാര്‍ത്ത നേരത്തെ ചില മാധ്യമങ്ങളില്‍ വന്നിരുന്നു.