ഹൈദരലി തങ്ങള്‍ അനുസ്മരണം ഇന്ന്

കോഴിക്കോട്: മുസ്‌ലിം ലീഗ് സംസ്ഥാന കമ്മിറ്റി സംഘടിപ്പിക്കുന്ന പാണക്കാട് സയ്യിദ് ഹൈദരലി ശിഹാബ് തങ്ങള്‍ അനുസ്മരണ സംഗമം ഇന്ന് വൈകുന്നേരം മൂന്ന് മണിക്ക് കോഴിക്കോട് കടപ്പുറത്ത് ലയണ്‍സ് പാര്‍ക്കിന് സമീപം പ്രത്യേകം സജ്ജമാക്കിയ വേദിയില്‍ നടക്കും. മുസ്‌ലിം ലീഗ് ദേശീയ പ്രസിഡന്റ് പ്രൊഫ. കെ.എം ഖാദര്‍ മൊയ്തീന്‍, നിയമസഭാ സ്പീക്കര്‍ എം.ബി രാജേഷ്, കെ.പി.സി. സി മുന്‍ പ്രസിഡണ്ട് മുല്ലപ്പള്ളി രാമചന്ദ്രന്‍, ശാന്തിഗിരി ആശ്രമത്തിലെ സ്വാമി ഭക്തദത്തന്‍ ജ്ഞാന തപസ്വി, കോഴിക്കോട് ഭദ്രാസനം യാക്കോബായ സിറിയന്‍ ക്രിസ്ത്യന്‍ ചര്‍ച്ച് ബിഷപ്പ് പൗലോസ് മാര്‍ ഐറീനിയസ് മെത്രാപ്പൊലീത്ത തുടങ്ങിയ വ്യക്തിത്വങ്ങളും മുസ്‌ലിം ലീഗ് ദേശീയ സംസ്ഥാന നേതാക്കളും സംസാരിക്കും.