കൊച്ചി; ഐഎഫ്എഫ്‌കെയുടെ കൊച്ചി ചലച്ചിത്രോത്സവത്തിന്റെ ഉദ്ഘാടന ചടങ്ങില്‍ നടന്‍ സലിംകുമാറിനെ ക്ഷണിക്കാതിരുന്ന സംഭവത്തില്‍ത പ്രതികരണവുമായി കോണ്‍ഗ്രസ് നേതാവും എംപിയുമായ ഹൈബി ഈഡന്‍. സലീം കുമാറില്ലാത്ത പരിപാടിക്ക് തങ്ങളുമില്ലെന്ന് ഹൈബി ഈഡന്‍ പ്രതികരിച്ചു. കൊച്ചിയിലെ ഫിലിം ഫെസ്റ്റിവല്‍ കോണ്‍ഗ്രസ് ബഹിഷ്‌കരിക്കുകയാണെന്നും ഹൈബി.
‘സലിം കുമാര്‍ ഇല്ലെങ്കില്‍ ഞങ്ങളുമില്ല. കൊച്ചിയിലെ ഫിലിം ഫെസ്റ്റിവല്‍ കോണ്‍ഗ്രസ് ബഹിഷ്‌കരിക്കുന്നു’, ഹൈബി ഫേസ്ബുക്കില്‍ കുറിച്ചു. താനടക്കമുള്ള കോണ്‍ഗ്രസ് നേതാക്കള്‍ക്കും പ്രവര്‍ത്തകര്‍ക്കുമൊപ്പം സലിം കുമാര്‍ ഇരിക്കുന്ന ചിത്രം പങ്കുവച്ചുകൊണ്ടാണ് ഹൈബിയുടെ പോസ്റ്റ്.
ഐഎഫ്എഫ്‌കെ ഉദ്ഘാടനത്തില്‍ പങ്കെടുക്കില്ലെന്നാണ് സലിം കുമാര്‍ അറിയിച്ചിരുന്നു.