താമരശ്ശേരിയില്‍ പെരിച്ചാഴിയുടെ കടിയേറ്റ് വീട്ടമ്മയുടെ കാലിന്റെ ഞരമ്പ് അറ്റു. താമരശ്ശേരി മിനി ബൈപ്പാസ് റോഡിലെ എംകെ ഫഌറ്റില്‍ താമസിക്കുന്ന കണ്ണ്യേരുപ്പില്‍ നിഷയാണ് (38) കാലിനാണ് പെരിച്ചായിയുടെ കടിയേറ്റത്. രാത്രിയില്‍ ഫഌറ്റിന്റെ പുറത്തേക്ക് ഇറങ്ങിയപ്പോഴായിരുന്നു സംഭവം.
ഇന്നലെ രാത്രി 10.30ഓടെ ഫ്‌ലാറ്റിന്റെ മുറ്റത്ത് സുഹൃത്തുക്കള്‍ക്കൊപ്പം സംസാരിച്ചിരിക്കുമ്പോള്‍ ഓടിയെത്തിയ പെരുച്ചാഴി കാലില്‍ കടിക്കുകയായിരുന്നു. പുറത്തുണ്ടായിരുന്നവര്‍ പെരിച്ചാഴിയെ ഒടിച്ചാണ് നിഷയെ രക്ഷപ്പെടുത്തിയത്. ഉടനെ സമീപത്തുള്ള സ്വകാര്യ ആശുപത്രിയില്‍ എത്തിച്ചു പ്രാഥമിക ചികിത്സ നല്‍കി. തുടര്‍ന്ന് മണാശ്ശേരിയിലെ സ്വകാര്യ മെഡിക്കല്‍ കോളേജില്‍ പ്രവേശിപ്പിച്ചു. ഞരമ്പ് അറ്റുപോയതിനാല്‍ സര്‍ജറി നടത്തണമെന്നാണ് ഡോക്ടര്‍ അറിയിച്ചത്.