നേപ്പാളില്‍ പുതുതായി തെരഞ്ഞെടുക്കപ്പെട്ട പ്രസിഡന്റ് രാം ചന്ദ്ര പൗഡേല്‍ ആശുപത്രിയില്‍. വയറുവേദനയെ തുടര്‍ന്നാണ് 78കാരനായ പൗഡലിനെ ആശുപത്രിയില്‍ പ്രവേശിപ്പിച്ചത്. കാഠ്മണ്ഡുവിലെ മഹാഗഞജ് ത്രിഭുവന്‍ യൂണിവേഴ്‌സിറ്റി ഹോസ്പിറ്റലിലാണ് പൗഡേല്‍ ചികിത്സയിലുള്ളത്.
പ്രസിഡന്റ് നിരീക്ഷണത്തിലാണെന്നും, അസുഖം ഭേദപ്പെട്ടു വരുന്നതായും ആശുപത്രി അധികൃതര്‍ അറിയിച്ചു. മുതിര്‍ന്ന നേപ്പാളി കോണ്‍ഗ്രസ് നേതാവായ രാം ചന്ദ്ര പൗഡേല്‍ രണ്ടാഴ്ച മുമ്പാണ് രാഷ്ട്രപ്രതിയായി അധികാരമേറ്റത്.
എട്ടു പാര്‍ട്ടികള്‍ അടങ്ങുന്ന ഭരണസഖ്യത്തിന്റെ പൊതുസമ്മത സ്ഥാനാര്‍ത്ഥിയായിരുന്നു പൗഡേല്‍. മുന്‍ പാര്‍ലമെന്റ് സ്പീക്കറായിരുന്നു പൗഡേല്‍.