തൃശൂരില്‍ വീട്ടില്‍ കയറി ഗൃഹനാഥയുടെ മാല മോഷ്ടിക്കാന്‍ ശ്രമം. കള്ളന്റെ ആക്രമണത്തില്‍ നിന്ന് രക്ഷപ്പെടുന്നതിന് വേണ്ടി വീട്ടമ്മ കള്ളന്റെ കൈവിരല്‍ കടിച്ച് പരിക്കേല്‍പ്പിച്ചു. തൃശൂര്‍ തിരൂരില്‍ ഇന്ന് പൂലര്‍ച്ചെയാണ് സംഭവം. തിരൂര്‍ ആലപ്പാടന്‍ വീട്ടില്‍ ജോഷിയുടെ ഭാര്യ സീമയുടെ മാലയാണ് മോഷ്ടാവ് കവര്‍ന്നത്.
പുലര്‍ച്ചെ അടുക്കളയോട് ചേര്‍ന്ന് വര്‍ക്ക് ഏരിയയില്‍ ചക്ക നന്നാക്കുകയായിരുന്നു സീമ. ഇതിനിയെയാണ് കള്ളന്‍ അക്രമിക്കാന്‍ ശ്രമിച്ചത്. തുടര്‍ന്ന് മാല പൊട്ടിക്കാന്‍ ശ്രമിച്ചതോടെ സീമ ചെറുത്തുനില്‍ക്കാന്‍ ശ്രമിച്ചു. കള്ളന്റെ വിരലില്‍ കടിക്കുകയും ചെയ്തു. എന്നാല്‍ വീട്ടമ്മയെ തള്ളിമാറ്റി കള്ളന്‍ ഓടിരക്ഷപ്പെടുകയായിരുന്നു.