മുംബൈ: ഹോളി ആഘോഷത്തിനിടെ അഞ്ചുപേര്‍ മുങ്ങിമരിച്ചു. ഹോളി ആഘോഷിക്കാനായി ബിച്ചിലെത്തിയ രണ്ടു കുടംബങ്ങളിലെ അഞ്ചുപേരാണ് മഹാരാഷ്ട്രയില്‍ കടലില്‍ മുങ്ങിമരിച്ചത്. മഹാരാഷ്ട്രയിലെ വാസൈ ഗോകുല്‍ പാര്‍ക്കിലാണ് സംഭവം.
ബീച്ചില്‍ കളിക്കുന്നതിനിടെ വലിയ തിരകളില്‍ അകപ്പെടുകയായിരുന്നു ഇവര്‍. തുടര്‍ന്ന് നടത്തിയ തെരച്ചിലില്‍ ഒരാളുടെ മൃതദേഹം മാത്രമാണ് ലഭിച്ചത്. പിന്നീട് രാത്രിയിലും ഇന്ന് രാവിലെയും നടത്തിയ തെരച്ചിലില്‍ നാലു മൃതദേഹങ്ങളും കണ്ടെടുത്തു.