കോട്ടയം കാഞ്ഞിരപ്പള്ളിയില്‍ സ്വത്ത് തര്‍ക്കത്തെ തുടര്‍ന്ന് സഹോദരനെ വെടിവച്ചുകൊന്നു. കരിമ്പാനായില്‍ നിന്നുള്ള രഞ്ജു കുര്യനാണ് മരിച്ചത്. സഹോദരന്‍ ജോര്‍ജ് കുര്യനാണ് വെടിവച്ചത്. ഇന്ന് വൈകിട്ട് നാലുമണിക്കാണ് സംഭവം നടന്നത്.
തര്‍ക്കത്തിനിടെ മാതൃസഹോദരന്‍ മാത്യൂസ്‌കറിയക്കും വെടിയേറ്റു. തടയാന്‍ ശ്രമിക്കുന്ന സമയമാണ് മാത്യുവിന് വെടിയേല്‍ക്കുന്നത്. ഗുരുതരമായി പരിക്കേറ്റ ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ജോര്‍ജിനെ കാഞ്ഞിരപ്പള്ളി പൊലീസ് അറസ്റ്റ് ചെയ്തു. ലൈസന്‍സുള്ള തോക്കാണ് കൊലപാതകത്തിനായി ജോര്‍ജ് ഉപയോഗിച്ചതെന്ന് പൊലീസ് വ്യക്തമാക്കി.