ആൺകുട്ടികളുടെ ചേലാകർമം നിരോധിക്കണമെന്ന് ആവശ്യപ്പെട്ട് സമർപ്പിച്ച പൊതു താല്പര്യ ഹർജി കേരള ഹൈക്കോടതി തള്ളി. വെറും പത്രവാർത്തകൾ അടിസ്ഥാനമാക്കിയുള്ള ഹരജി നിയമപരമായി നിലനിൽക്കില്ലെന്ന് നിരീക്ഷിച്ചാണ് ഹൈക്കോടതി ഹർജി തള്ളിയത്.യുക്തിവാദി സംഘടനയായ നോൺ റിലീജ്യസ് സിറ്റിസൺസ് ആണ് ഹർജി നൽകിയത്.
ചേലാകർമം നടത്തിയാൽ ലൈംഗികശക്തി കുറയുമെന്ന തരത്തിലുള്ള ചില അന്താരാഷ്ട്ര മെഡിക്കൽ ജേർണലുകളിലെ പഠനങ്ങൾ ചൂണ്ടിക്കാട്ടിയാണ് ഹർജിക്കാർ കോടതിയെ സമീപിച്ചത്. ചേലാ കർമം നടത്തിയാൽ രതിമൂർച്ഛ വേഗത്തിൽ ലഭിക്കില്ലെന്നും സ്ത്രീ പങ്കാളികൾക്ക് ലൈംഗികമായ അസംതൃപ്തി ഉണ്ടാകുമെന്നും ഹർജിക്കാർ വാദിച്ചു. ചേലാകർമം വാഹനാപകടങ്ങൾക്കു വരെ കാരണമാകുന്നുണ്ടെന്ന വാദം വരെ ഹർജിക്കാർ ഉയർത്തിയിരുന്നു.
അതെ സമയം കോടതി നിയമനിർമാണ സഭയല്ലെന്നും ഹർജിക്കാർക്ക് അവരുടെ വാദം കൃത്യമായി സമർത്ഥിക്കാൻ കഴിഞ്ഞില്ലെന്നും കോടതി ചൂണ്ടിക്കാട്ടി.