മലപ്പുറം: ഇന്ത്യാ- മുസിരീസ് ആന്റ് ഹെറിറ്റേജ് സെന്റര്‍ ഏര്‍പ്പെടുത്തിയ ഹെര്‍മെന്‍ ഗുണ്ടര്‍ട്ട് ജേര്‍ണ്ണലിസ്റ്റ് അവാര്‍ഡ് ശംസുദ്ദീന്‍ വാത്യേടത്തിന് പാണക്കാട് സയ്യിദ് സാദിഖലി ശിഹാബ് തങ്ങള്‍ സമ്മാനിച്ചു.മൂന്ന് പതിറ്റാണ്ടിലേറെയായി പത്ര പ്രവര്‍ത്തന രംഗത്ത് ശംസുദ്ദീന്‍ വാത്യേടത്ത് കാഴ്ച വെച്ചമാതൃക പരമായ പ്രവര്‍ത്തനങ്ങള്‍ കണക്കിലെടുത്താണ് അവാര്‍ഡ്. ഹക്കീം കൂട്ടായി, ഡോ.കെ.ജി ഉണ്ണികൃഷ്ണന്‍, സി. നിര്‍മ്മല എന്നിവര്‍ അടങ്ങിയ ജഡ്ജിംഗ് കമ്മിറ്റിയാണ് ചന്ദ്രിക കൊടുങ്ങല്ലൂര്‍ ലേഖകന്‍ ശംസുദ്ദീനെ അവാര്‍ഡിനായി തെരഞ്ഞെടുത്തത്.
സി.പി. സൈതലവി, അബ്ദുല്ല പാറക്കല്‍, ഇ. സാദിഖലി,പി. കുട്ടന്‍, സി.എ ഹബീബ്, കെ.എ ജബ്ബാരി, ഹംസ ഹാജി മാട്ടുമ്മല്‍ , അരിപ്രാ കുളം അബ്ദുല്ല തുടങ്ങിയവര്‍ സംബന്ധിച്ചു.