പൂണെയില്‍ ഹെലികോപ്ടര്‍ തകര്‍ന്ന് മൂന്ന് പേര്‍ മരിച്ചു. ബുധനാഴ്ച രാവിലെയാണ് സംഭവം. ഹെലികോപ്ടറിലെ പൈലറ്റും രണ്ട് എന്‍ജിനീയര്‍മാരുമാണ് മരിച്ചതെന്നാണ് വിവരം.
സര്‍ക്കാര്‍, സ്വകാര്യ ഉടമസ്ഥതയിലുള്ള ഹെലികോപ്ടറാണോ തകര്‍ന്ന് വീണതെന്നതിനെ കുറിച്ച് വ്യക്തത വന്നിട്ടില്ല. ബാദവന്‍ മേഖലയില്‍ രാവിലെ 6.45നാണ് ഹെലികോപ്ടര്‍ തകര്‍ന്ന് വീണതെന്ന് പൊലീസ് പറഞ്ഞു.
രണ്ട് പേര്‍ മരിച്ചുവെന്ന വിവരമാണ് ആദ്യം പുറത്ത് വിട്ടത്. പിന്നീട് അപകടത്തില്‍ മൂന്ന് പേര്‍ മരിച്ചതായി ദേശീയമാധ്യമങ്ങള്‍ റിപ്പോര്‍ട്ട് ചെയ്യുകയായിരുന്നു. ഹെലികോപ്ടറിലെ തീയണക്കാന്‍ ഇനിയും സാധിച്ചിട്ടില്ലെന്ന അറിയിപ്പാണ് ഇതുസംബന്ധിച്ച് ആദ്യം പുറത്ത് വന്നതെന്നും പൊലീസ് അറിയിച്ചു.