സംസ്ഥാനത്ത് പധാനധ്യാപക – എഇഒ തസ്തികകള്‍ ഒഴിഞ്ഞു കിടക്കുന്നതിനാല്‍ അധിക ചുമതല എടുത്ത് വലഞ്ഞ് ഉദ്യോഗസ്ഥര്‍. സമയബന്ധിതമായി സ്ഥാനക്കയറ്റം നല്‍കാന്‍ സര്‍ക്കാര്‍ തയ്യാറാകാത്തതിനാലാണ് പ്രതിസന്ധി വന്നത്. പലയിടത്തും പല സ്ഥാപനങ്ങളിലും അധ്യാപകര്‍ക്ക് അധിക ചുമതല നല്‍കിയാണ് പ്രവര്‍ത്തിക്കുന്നത്.
വൈക്കം എഇഒ. ഓഫീസിലെ സീനിയര്‍ സൂപ്രണ്ട് ശ്യാംകുമാര്‍ ആത്മഹത്യ ചെയ്ത സംഭവം ചര്‍ച്ചയായിരുന്നു. എഇഒയുടെ അധിക ചുമതലകൂടി വന്നതോടെ ഉണ്ടായ ജോലിഭാരം മരണത്തിലേക്ക് നയിച്ചുവെന്നാണ് സഹപ്രവര്‍ത്തകര്‍ ആരോപിച്ചത്. സംസ്ഥാനത്തെ വിദ്യാഭ്യാസ ഓഫീസുകളില്‍ എഇഒമാരും പ്രധാനദ്യാപകരും ഇല്ലാത്ത അവസ്ഥയില്‍ സീനിയര്‍ സൂപ്രണ്ടുമാര്‍ക്ക് അധികച്ചുമതല വഹിക്കേണ്ടി വരുവരുന്നു.
ഇരുന്നൂറിലധികം സ്‌കൂളുകളിലാണ് പ്രധാനാധ്യാപക തസ്തിക ഒഴിഞ്ഞുകിടക്കുന്നത്. ഇവിടെ മുതിര്‍ന്ന അധ്യാപകര്‍ക്ക് അധിക ചുമതല നല്‍കിയിരിക്കുകയാണ്. അതേസമയം അധിക ചുമതല കാരണം പഠന പ്രവര്‍ത്തനങ്ങള്‍ മുടങ്ങിക്കിടക്കുന്നതായാണ് പരാതി. സ്ഥലംമാറ്റവും സ്ഥാനക്കയറ്റവും കൃത്യമായി നടക്കാത്തതാണ് പ്രതിസന്ധിക്ക് കാരണം. സാമ്പത്തിക ബുദ്ധിമുട്ട് മൂലം പ്രമോഷന്‍ നടപടികള്‍ സര്‍ക്കാര്‍ തടഞ്ഞു വച്ചിരിക്കുന്നുവെന്നും ആരോപണമുണ്ട്.